خطوات غسيل الشعر الصحيحه

خطوات غسيل الشعر الصح جدااااااااا لمنع تلفه وتقصيفه وحمايته من القشرة ::






1 تمشيط الشعر كويس جدا وتسليكه قبل اى حاجه وطبعا مراعاه التسريح من غير عنف او ضغط جامد على الفروة وطبعا اهم شيء البعد عن الامشاط البلاستيك (( دى الافضل تترمى احسن )) ونسرح شعرنا بمشط خشب وهو رخيص ومتوفر جدا عشان البلاستيك بيعمل كهربا استاتيكيه مع فروة الرأس ويؤدى الى تقصفه زياده وسقوطه وتكوين القشرة ولو الشعر ملبد بيكون التسريح براحه من تحت لفوق يعنى من اول الاطراف لحد الفروة واحده واحده لحد اما نلاقي الشعر اتسلك كله




2 - ندخل الحمام ونغسل شعرنا بماء بااااااااااااااااارد عااااادى خااااالص من الدش مباشرة يعنى مالوش داعى الماء الفاتر او السخن زى ما احنا متعودين ودة لسببين وهما ان الماء الساخن بيسبب التقصيف وهياج فروة الشعر وتكوين القشرة لكن بالنسبه للماء البارد بيساعد على زياده لمعان الشعر وقبض مسام الفروة وانعاش الشعر عموما والى هنعمله اننا نهتم اوى بغمر الشعر وغسله بالماء العادى من الدش لمده طويله لحد اما نحس ان الماء تغلل الشعر كله وان الشعر اتغرق ماء خاااالص يعنى ممكن نفضل نغسله لمده 5 دقائق كامله بالماء بس ودة مهم جداااا






3- نجيب الشامبو الخاص بشعرنا والافضل استعمال شامبو اطفال او اى نوع خفيف على فروة الشعر وبفضل يكون من غير روائح عطريه خالص عشان دة افضل وصحى اكتر وناخد منه ملعقه طعام وندوبها فى كوب ماء صغير ونبدأ بوضعها على الشعر الغرقان بالماء ونبدأ ندلك الشعر براحه جدا تدليك ناعم وبحركات دائريه ونهتم بفروة الشعر وندلك لمده 5 دقايق تقريبا .......................



طبعا انا عارفه ان كلنا هنستغرب لاننا متعودين نحط كميه كبيرة من الشامبوو على الشعر مباشرة عشان نستمتع بريحته وبنعتقد اننا كل اما نزود الشامبو اكتر كل اما الشعر يستفاد اكتر ..... ودة طبعا خطأ شنييييييييييع لاننا كدة بنموت الشعر ونعرضه للكيماويات اكتر والصح انو اما كان الشامبوو خفيف على الشعر كل اما استفاد الشعر اكتر







4- بعد اما كدة نغسل الشعر كويس خااالص ونغمره بالماء لحد اما نتاكد انو الشامبو طلع خالص من من كل الشعر بعدها وبعد كدة انا بحذر من عصر الشعر باليد زى اما بشوف كل البنات بتعمل كدة ودة غلط جدااا والصح اننا نوضع فوطه علي الشعر ونلفها (( زى اما بنشوف فى الافلام )) ونسيبه لحد اما الفوطه تنشفه ونضغط براحه على الفوطه عشان نساعد على عمليه التنشيف وبعد اما نشيل الفوطه لو لقينا الشعر لسه مبلول من المفيد جداا اننا لو نقدر نلبس ايشارب قطنى هيفيد الشعر جدا لان الهدف من لف الفوطه على الشعر بعد غسيله ولبش الايشارب بعدها هو تدفئه الشعر وحمايته من التعرض للهواء بعد غسيله لان تعرضه لعوامل الجو بعد الغسيل بيسبب التقصف الشديد وبطء نمو الشعر



ارجو الافاده ان شاء الله

مرسى لمرورك يا بنوته